“Protestat nuk ndalen” – Haziri paralajmëron vazhdimin e revoltës pas heshtjes institucionale ndaj kërkesave të tyre

Çlirim Haziri, njëri nga organizatorët e nismës protestuese “Jo në emrin tim”, ka bërë të ditur se tubimet e qytetarëve do të vijojnë edhe më tej, me arsyetimin se ende nuk kanë marrë asnjë pëigjigje zyrtare për kërkesat e parashtruara. Sipas tij, gjatë mbrëmjes së sotme, durimi i qytetarëve të mbledhur në shesh është testuar rëndë nga zhvillimet e fundit. Nëpërmjet një postimi publik, Haziri ka pasqyruar zhvillimet e tensionuara të mbrëmjes, duke theksuar se nuk bëhet fjalë vetëm për fatin e një ligji të vetëm, por për një kërkesë jetike për të cilën qytetarët kanë qëndruar plot 20 ditë e net në hapsirat publike. Ai ka përmendur përdorimin e gazit lotsjellës, tensionet dhe përplasjet e ndodhura, ndërsa ka theksuar se revolta do të vazhdojë derisa të jepet një përgjigje përfundimtare. Duke evokuar vlerat e kaluara, Haziri ka përfunduar mesazhin e tij me thirrjen se siç i kishte bashkuar dikur Ushtria Çlirimtare e Kosovës, ajo po i bashkon qytetarët edhe sot, duke kërkuar prerazi miratimin e ligjit nën moton “Jo në emrin tim”.