Kujdes: Këto fshatra të Vushtrrisë mbeten pa rrymë nesër për disa orë

Banorët e disa vendbanimeve në komunën e Vushtrrisë do të përballen nesër me mungesë të energjisë elektrike. Sipas njoftimit zyrtar nga KEDS, ndërprerja e rrymës do të zgjasë nga ora 10:00 deri në 15:30, për shkak të ndërhyrjeve të domosdoshme për garantimin e sigurisë dhe stabilitetit të sistemit elektroenergetik. Kjo ndërprerje do të shtrihet në të gjitha zonat që furnizohen përmes trafostacioneve në fshatin Druar, duke përfshirë zonën te shkolla, Druar-1, lagjen Gecaj, Malokt dhe Maqkallt. Ndërkaq, në fshatin Mihaliq do të preken lokalitetet te shkolla, Nemozht, SK-Mihaliq, Lepenci, Sylajt, si dhe pikat e furnizimit për pompat e ujit. Sipas sqarimeve nga KEDS, këto ndërprerje bëhen të nevojshme për shkak të punimeve për mirëmbajtjen preventive të rrjetit, sanimin e defekteve të vërejtura gjatë inspektimeve të avancuara me dron, si dhe aksionit për pastrimin e trasesë nga drurët dhe pengesat e tjera.