Natë terrori në Kiev: Rusia godet kryeqytetin ukrainas me raketa balistike

Kryeqyteti ukrainas, Kievi, është tronditur nga një sulm i fuqishëm me raketa balistike gjatë orëve të para të mëngjesit të sotëm. Banorët e qytetit kanë dëgjuar një seri shpërthimesh të njëpasnjëshme, të cilat pasuan alarmin e dhënë nga autoritetet për rrezikun e afërt ajror. Sipas të dhënave të para, shpërthimet e para u regjistruan rreth orës 01:00 me kohën lokale. Pak minuta përpara se predhat të godisnin objektivin, Forcat Ajrore të Ukrainës kishin lëshuar një paralajmërim urgjent për popullatën, duke njoftuar se raketa balistike ruse po i afroheshin rajonit të Kievit me shpejtësi të lartë. Pas valës së parë të sulmeve, dëshmitarët dhe autoritetet raportuan për shpërthime të tjera në zona të ndryshme të kryeqytetit. Goditjet më të rënda janë vërejtur veçanërisht në pjesën veriperëndimore të qytetit, duke shkaktuar panik dhe reagim të menjëhershëm të sistemeve të mbrojtjes dhe ekipeve të emergjencës.