Tragjedi në Suharekë: E mitura bie nga automjeti në ecje, përfundon në QKUK në gjendje të rëndë

Një ngjarje e rëndë ka tronditur fshatin Reqan të Suharekës, ku një vajzë e mitur ka pësuar dëmtime serioze trupore pasi ka rënë aksidentalisht nga një veturë që ishte në lëvizje e sipër. Incidenti ndodhi ditën e djeshme, rreth orës 14:00. Viktima po udhëtonte brenda një automjeti transportues mallrash, të cilin po e drejtonte një shtetas kosovar. Bazuar në informacionet zyrtare të Policisë, gjatë lëvizjes së mjetit, e mitura ka rënë nga kabina. Për shkak të plagëve të rënda të marra nga goditja, ajo është transportuar me urgjencë për në Qendrën Klinike Universitare të Kosovës (QKUK) për të marrë ndihmën e nevojshme mjekësore. Ndërkaq, autoritetet policore kanë shoqëruar në stacion drejtuesin e automjetit për ta marrë në pyetje lidhur me rrethanat e ngjarjes. Me urdhër të prokurorit kujdestar, i dyshuari është ndaluar dhe dërguar në qendrën e mbajtjes.