Bella Hadid shfaqet në krahët e një mashkulli misterioz

Modelja e njohur amerikane, Bella Hadid, 30 vjeçe, ka tërhequr vëmendjen në rrjetet sociale pasi publikoi disa fotografi intime në shoqërinë e një mashkulli, duke nxitur spekulimet për një lidhje të re dashurie. Në fotografitë e publikuara, Bella shihet duke shkëmbyer momente afërsie dhe përkëdhelje me personin në fjalë, ndërsa fansat kanë nisur të aludojnë për një romancë të mundshme. Megjithatë, deri më tani nuk ka një konfirmim zyrtar për natyrën e marrëdhënies mes tyre. Përveç jetës sentimentale, modelja ka surprizuar edhe me një transformim të dukshëm në pamje. Ajo ka prezantuar një stil të ri, duke u shfaqur me flokë bionde, një ndryshim drastik nga imazhi me të cilin publiku ishte mësuar ta shihte. Fotografitë kanë marrë vëmendje të madhe nga ndjekësit, të cilët kanë komentuar si afrimitetin me mashkullin misterioz, ashtu edhe paraqitjen e re të modeles.