Ambasada e Kosovës në SHBA uron Michael Bogachekun për nominimin si ambasador i ardhshëm në Kosovë

Ambasada e Republikës së Kosovës në Shtetet e Bashkuara të Amerikës ka uruar Michael Bogachekun për nominimin e tij si ambasador i ardhshëm amerikan në Kosovë. Përmes një postimi, ambasada ka shprehur urimet për Bogachekun pas vendimit të Shtëpisë së Bardhë për ta nominuar atë në këtë pozitë. Shtëpia e Bardhë ka njoftuar se Mikhail Bogachek, nga Florida, është nominuar për ambasador të jashtëzakonshëm dhe fuqiplotë të Shteteve të Bashkuara të Amerikës në Republikën e Kosovës. Nominimi i tij tashmë i është përcjellë Senatit amerikan, ku pritet t’i nënshtrohet procesit të konfirmimit. Bogachek do të mund ta marrë zyrtarisht detyrën e ambasadorit amerikan në Kosovë vetëm pas përfundimit të procedurave të konfirmimit në Senat.