Humbje zhgënjyese për Juventusin në Genoa, Zhegrova luan për 45 minuta

Juventusi ka regjistruar një disfatë të hidhur në transfertën ndaj Genoas, duke u mposhtur me rezultatin 2:0. Në këtë përballje, vëmendja ishte edhe te ylli i përfaqësueses së Kosovës, Edon Zhegrova, i cili u hodh në fushë menjëherë pas fillimit të pjesës së dytë. Zhegrova e nisi ndeshjen nga stoli, ndërsa trajneri vendosi ta inkuadrojë atë në lojë në minutën e 46-të. Pavarësisht angazhimit të tij, futbollisti kosovar nuk ia doli që të ndryshonte fatin e ndeshjes apo të ndihmonte skuadrën e tij për të shmangur rezultatin negativ. Fati i takimit u vendos që në pjesën e parë. Vendasit zhbllokuan rezultatin që në minutën e 12-të përmes Ehizibue, ndërsa në minutën e 28-të, Baldanzi dyfishoi avantazhin për Genoan. Ky epërsi e dyfishtë doli të jetë e pakapërcyeshme për “Zonjën e Vjetër”, e cila nuk gjeti hapësira për të reaguar deri në vërshëllimën përfundimtare. Gjatë kësaj paraqitjeje, Zhegrova u ndëshkua gjithashtu me karton të verdhë në minutën e 71-të. Për Genoan, këto tri pikë janë mjaft domethënëse, ndërsa Juventusi tashmë duhet të kthejë fokusin te ndeshjet e radhës për të kërkuar këndelljen. Pas kësaj jave, Juventusi pozicionohet në vendin e tetë në tabelë me 14 pikë të grumbulluara, ndërsa Genoa ngjitet në kuotën e 10 pikëve, duke mbajtur vendin e 13-të në renditjen e kampionatit.