Formacionet zyrtare Elbasani-Partizani: Mungon sërish Skuka, Karoglan kërkon kthesën e madhe

Janë zbardhur formacionet zyrtare për sfidën mes AF Elbasani dhe Partizanit, e vlefshme për javën e tetë të Abissnet Superiores, e cila do të nisë pas pak minutash. Edhe në këtë duel delikat, “Demat e Kuq” do të duhet t'ia dalin pa kapitenin e tyre, Xhuliano Skuka, i cili vazhdon të jetë i dëmtuar dhe nuk ka mundur të rikuperohet në kohë për këtë përballje. Për trajnerin e ri të kryeqytetasve, Mislav Karoglan, kjo ndeshje është një mundësi jetike për të siguruar fitoren e tij të parë në krye të 17 herë kampionëve të vendit, pas serisë negative me dy humbje radhazi. Nga ana tjetër, skuadra e drejtuar de jure nga Glen Dajasynon tri pikët në këtë takim, pas barazimit pa gola të regjistruar në transfertën e Durrësit kundër Teutës. Pasi janë luajtur shtatë javë kampionat, Partizani ndodhet në vendin e fundit të renditjes me vetëm 4 pikë të grumbulluara.