Nis Kupa e Botës në skijim: A do të mund ta ndalojë dikush dominimin e Marco Odermatt?

Sezoni i ri i Kupës së Botës në skijim është gati të ngrejë siparin më 24-25 tetor në pistën e njohur të Soldenit, ku vëmendja kryesore në kategorinë e meshkujve mbetet sërish te kampioni i madh, Marco Odermatt. Zvicerani synon të vazhdojë serinë e jashtëzakonshme prej pesë sezonesh radhazi ku ka rrëmbyer trofeun e madh të kristaltë. Deri më tani, gjiganti i skijimit nga Zvicra ka numëruar 54 fitore në Kupën e Botës dhe ka triumfuar në 11 klasifikime të disiplinave të ndryshme, duke shtruar pyetjen nëse do të ketë sërish rivalë që mund ta sfidojnë. Pavarësisht se konsiderohet favoriti kryesor, përgatitjet parasezonale kanë sjellë sinjale interesante nga kampi zviceran. Gjatë sesioneve stërvitore në Kili, një tjetër skitar ka rënë në sy me paraqitjet e tij. Bëhet fjalë për bashkëkombësin e Odermatt, Franjo von Allmen, për të cilin raportohet se ka shënuar kohë fantastike në pistë. Megjithatë, trajneri Tom Stauffer ka preferuar të ulë tonet e entuziazmit, duke sqaruar se nuk qëndron fakti që Von Allmen i ka lënë të gjithë pas në stërvitje, pasi edhe pjesa tjetër e grupit regjistron shifra shumë të afërta në kohë. Nga ana tjetër, rrugëtimi i Marco Odermatt drejt këtij eventi nuk onte pa pengesa, pasi ai u detyrua t'i vononte përgatitjet në borë për shkak të një dëmtimi muskulor që i preku disa ditë nga faza e tij stërvitore.