Tubim madhështor në Oslo: Diaspora shqiptare ngrihet në mbrojtje të ish-drejtuesve të UÇK-së

Komuniteti shqiptar në Norvegji është organizuar në një protestë paqësore në sheshin “Eidsvolls Plass” në Oslo, duke kundërshtuar vendimin e fundit gjyqësor ndaj ish-krerëve të Ushtrisë Çlirimtare të Kosovës. Sipas pamjeve të shpërndara nga iniciativa “Liria ka Emër”, tubimi ka mbledhur një numër të lartë qytetarësh të cilët shprehën solidaritetin e tyre të plotë me figurat e ish-udhëheqjes së UÇK-së. Atmosfera në tubim është karakterizuar nga thirrje në mbështetje të ish-krerëve të UÇK-së, ndërkohë që nga altoparlantët është dëgjuar edhe kënga e njohur patriotike “Për Kosovën jap dy jetë, vdekjen time e vras vet”.