Ancelotti paralajmëron rrotacion te Brazili, Raphinha rrezikon të kalojë në qendër të sulmit

Kombëtarja e Brazilit pritet të pësojë ndryshime rrënjësore në formacionin startues, pas paraqitjes zhgënjyese dhe barazimit në ndeshjen miqësore kundër Australisë. Strategu italian Carlo Ancelotti po shqyrton opsione të reja taktikë, ku një nga lëvizjet më të bujshme pritet të jetë zhvendosja e Raphinhas në rolin e qendërsulmuesit, një pozicion ky ku lojtari po shkëlqen gjatë këtij sezoni nën urdhrat e Hansi Flick te Barcelona. “Do të ketë disa ndryshime”, deklaroi shkurtimisht tekniku italian, duke preferuar të mos zbulojë detaje konkrete rreth përbërjes që do të hedhë në fushë. Kujtojmë se barazimi ndaj australianëve nuk i plotësoi pritshmëritë e “Seleçaos”. “Përfaqësuesja” e ekuilibroi rezultatin vetëm në sekondat e fundit të takimit, falë një finalizimi të saktë nga Rayan në minutën e 95-të, ndërsa loja e shfaqur la shumë për të dëshiruar për standardet që kërkon stafi teknik. “Duhet të jemi të duruar. Duhet t'u japim mundësi lojtarëve që luajnë më pak dhe që vazhdojnë të përmirësohen. Ishte një provë dhe ndeshja tjetër do të jetë një tjetër test”, shtoi më tej Ancelotti, duke kërkuar qetësi dhe fokus nga grupi. Për sa i përket formës aktuale, Raphinha po kalon një periudhë fantastike, duke regjistruar deri më tani 14 realizime personale (12 në La Liga dhe 2 në UEFA Champions League), shoqëruar gjithashtu me 3 asistime për shokët e skuadrës. Në seancat e fundit stërvitore, trajneri 65-vjeçari ka testuar skema dhe alternativa të reja në fushë. Në portë është provuar Otávio; katërshja e prapavijës përbëhet nga Vanderson, Jair, Gabriel Magalhães dhe Mauro Júnior; reparti i mesfushës iu është besuar treshes Danilo, Bruno Guimarães dhe Gabriel Bontempo; ndërsa sulmi pritet të udhëhiqet nga treshja Rayan, Vinícius dhe Raphinha. Kalendari rezervon sërish një përballje ndaj Australisë këtë të martë, ndërsa më 3 tetor “Pentakampionët” do të masin forcat në një tjetër miqësore, kësaj radhe kundër përfaqësueses së Indisë.