Takim special në dasmën në Kosovë: Ramadan Krasniqi ndan emocionet krah yllit botëror, Dua Lipa

Këngëtarja me famë ndërkombëtare, Dua Lipa, ka qenë pjesë e një atmosfere festive mbrëmjen e kaluar në Kosovë, ku ajo mori pjesë në një dasmë familjare. Në këtë event të rëndësishëm ishte i pranishëm edhe këngëtari i mirënjohur shqiptar, Ramadan Krasniqi. Ai nuk e ka lënë t'i ikë rasti për të shkëmbyer një moment me artisten, duke publikuar më pas një fotografi të përbashkët në rrjetet sociale. Krasniqi ka shprehur vlerësimin e tij të lartë për kontributin dhe suksesin e Lipës, duke theksuar se populli shqiptar ndihet me fat që përfaqësohet nga një emër i tillë në skenat botërore. “Fat i madh që ne, kombi ynë, e kemi Dua Lipën tonë! Rrnoftë o yll, sukseset mos tu ndalshin!”, ka shkruar këngëtari, duke i përcjellë urimet e tij më të mira për rrugëtimin e saj të shkëlqyer artistik.