Myftiu Tërnava takon krerët e BIK-ut malazez, konfirmon angazhimin për shqiptarët e Krajës

Kryetari i Bashkësisë Islame të Kosovës, Myftiu Naim ef. Tërnava, ka zhvilluar një takim zyrtar me zëvendëskryetarin e Bashkësisë Islame të Malit të Zi, Behlul ef. Kanaçi. Në këtë delegacion, myftiu është shoqëruar edhe nga krerët e Mexhlisit të Ostrosit nga rajoni i Krajës, përkatësisht kryemamami Irfan ef. Kaca dhe kryetari Sali Doda. Gjatë këtij takimi, Myftiu Tërnava dhe zëvendëskryetari Kanaçi kanë bërë një vlerësim pozitiv të raporteve ndërinstitucionale ndërmjet dy institucioneve simotra. Palët vunë inercinë e përbashkët se hapësirat për zgjerimin e bashkëpunimit janë të gjera, veçanërisht në sektorët e arsimit, kulturës, trashëgimisë kulturore dhe mbarëvajtjes së jetës fetare. Në njoftimin zyrtar bëhet e ditur se përfaqësuesit nga Mali i Zi i kanë shprehur mirënjohje të thellë Myftiut Tërnava për vëmendjen dhe ndihmën e pandërprerë që Bashkësisë Islame e Kosovës ia ka kushtuar banorëve të Krajës dhe rajoneve të tjera në nevojë. Ndihma e ofruar nga Prishtina u cilësua jetike për mbarëvajtjen e fushës arsimore e letrare, si dhe për ngritjen e infrastrukturës përcjellëse për eventet fetare e kulturore, të cilat shërbejnë si mburojë për ruajtjen e identitetit kombëtar e shpirtëror.