Hap i rëndësishëm drejt BE-së: Shqipëria mbyll Kapitullin 20, Rama flet për objektivin historik

Procesi i integrimit evropian të vendit ka shënuar një tjetër zhvillim domethënës, teksa Shqipëria ka siguruar miratimin përfundimtar për mbylljen e bisedimeve që lidhen me Kapitullin 20. Ky hap i radhës është bërë i ditur nga vetë Kryeministri Edi Rama përmes një komunikimi zyrtar. “SHQIPËRIA MBYLL KAPITULLIN E IV, nis numërimi mbrapsht i kohës drejt objektivit historik. Drita jeshile nga BE për mbylljen e negociatave të Kapitullit 20 forcon perspektivën për investime, inovacion, konkurrueshmëri dhe punësim”, ka theksuar kreu i qeverisë shqiptare në reagimin e tij. Përmbyllja e këtij kapitulli vlerësohet si një shtysë e fuqishme për zhvillimin ekonomik dhe strukturor të vendit, duke i dhënë një impuls të ri fushave kyçe si thithja e investimeve të huaja, nxitja e inovacionit, rritja e konkurrueshmërisë në treg dhe hapja e vendeve të jafta pune për qytetarët.