Tragjedia në Gjilan, reagon Shiroka Pula: Asnjë motiv nuk e arsyeton shuarjen e jetëve

Kreu i shtetit ka reaguar lidhur me ngjarjen e rëndë kriminale të regjistruar në fshatin Livoç i Ulët të Gjilanit, ku humbën jetën një burrë dhe një grua, kurse një tjetër mbeti i plagosur si pasojë e përdorimit të armëve të zjarrit. Përmes një deklarate publike, ajo u ka dërguar shprehjet e ngushëllimit familjarëve të viktimave, ndërsa personit të lënduar i ka uruar rikuperim sa më të shpejtë. Në mesazhin e saj, ajo ka vënë theksin te fakti se asnjë situatë apo rrethanë nuk mund ta arsyetojë aktin e marrjes së jetës, duke shtuar se gratë duhet të mbrohen nga çdo formë rreziku, dhune apo vuajtjeje.