Superiore, gjithçka gati për javën e 6-të: “Air Albania” vishet kuqezi dhe bardheblu për derbin e kryeqytetit

Futbolli vendor i elitës përgatitet për një fundjavë elektrizuese, pasi kampionati rikthehet në aksion me sfidat e javës së gjashtë, ku në qendër të vëmendjes do të jetë përballja klasike mes Partizanit dhe Tiranës. Pas pushimit të detyruar për shkak të angazhimeve të kombëtareve, skuadrat e Superiores zbarkojnë sërish në fushë për të luftuar për pikët e radhës. Kalendari i kësaj jave parashikon pesë ndeshje interesante, të cilat do të ndahen përgjatë datave 10 dhe 11 tetor, ku dy prej tyre do të luhen të shtunën dhe tri të tjerat të dielën. Fashikulli i ndeshjeve hapet të shtunën në mbrëmje, saktësisht në orën 18:30, me dy takime: AF Elbasani do të masë forcat me Vorën, ndërkohë që Teuta do të presë në shtëpi skuadrën e Skënderbeut. Spektakli do të vijojë edhe ditën e diel, ku orari zyrtar hapes nis në orën 13:30 me duelin mes Laçit dhe Egnatias. Ndërkaq, dita do të mbyllet në orën 18:30 me dy takimet e tjera të forta, Vllaznia–Dinamo City dhe kryendeshjen e javës, derbin e madh Partizani–Tirana. Impianti modern “Air Albania” do të jetë arenë e këtij spektakli madhështor, ku dy rivalët e përjetshëm të kryeqytetit do të kërkojnë me çdo kusht tri pikët e plota për t'u rikthyer te rruga e sukseseve në kampionat. Kalendari i plotë i ndeshjeve të javës së 6-të: AF Elbasani – Vora, ora 18:30 Teuta – Skënderbeu, ora 18:30 Vllaznia – Dinamo City, ora 18:30 Partizani – Tirana, ora 18:30