Tragjedi në Riad: Dy sulme godasin aeroportin ndërkombëtar, humbin jetën tre shtetas sauditë

Tri viktima dhe disa të plagosur është bilanci tragjik i dy sulmeve të njëpasnjëshme që kanë tronditur Aeroportin Ndërkombëtar “King Khalid” në kryeqytetin e Arabisë Saudite, Riad. Lajmi është konfirmuar zyrtarisht nga Autoriteti i Aviacionit Civil të këtij vendi. Sipas autoriteteve kompetente, personat e lënduar i përkasin kombësive të ndryshme dhe janë transportuar menjëherë në spital, ku po marrin ndihmën e nevojshme mjekësore. Në njoftimin e autoritetit saudit të transportit ajror saktësohet se sulmi i parë ka pasur për objektiv infrastrukturën e aeroportit, ndërkohë që goditja e dytë është drejtuar ndaj një aeroplani që i përkiste kompanisë “Saudi Airlines”. Për shkak të kësaj situate emergjente, autoritetet kanë marrë vendim që të pezullojnë përkohësisht të gjitha operacionet e fluturimit në këtë aeroport.