Goditje e sigurisë në Francë: Vihen në pranga pesë persona për grabitjen e katër veprave të artit

Autoritetet ligjzbatuese në Francë kanë ndaluar të paktën pesë persona, të cilët dyshohen se janë të përfshirë në grabitjen e katër pikturave me vlerë nga Muzeu Renoir, ngjarje kjo e shënuar më 8 shtator. Mes personave të ndaluar dyshohet se ndodhen edhe dy prej autorëve kryesorë të këtij sulmi ndaj trashëgimisë kulturore. Sipas burimeve mediatike vendase, të dyshuarit mund të jenë pjesë e një rrjeti të strukturuar të krimit të organizuar. Kryetari i bashkisë, Bryan Masson, ka deklaruar për një media lokale se grabitësit depërtuan në ambientet e muzeut përmes kopshtit, pasi fillimisht prenë rrethojën dhe më pas thyen një xham të katit përdhes. Për të shkëputur veprat, ata përdorën një sharrë elektrike me anë të së cilës prenë mbajtëset e kornizave. Sipas zotit Masson, kapja e autorëve u bë e mundur falë gjurmimit përmes kamerave të sigurisë të qytetit. Dëmi total i kësaj vjedhjeje llogaritet në nëntë milionë euro. Der më tani, dy nga pikturat janë rikuperuar në kopshtin e muzeut, ndërkohë që operacioni për gjetjen e dy veprave të tjera – “Portreti i Madame Colonna Romano” (1910) dhe “Gruaja e re te pusi” (1886) – vijon ende. Muzeu Renoir gjendet në një zonë bregdetare mes Kanës dhe Nisës dhe përbën atraksionin kryesor të qytetit. Ky institucion u inaugurua në vitin 1960 brenda shtëpisë ku kampisti i njohur kaloi vitet e fundit të jetës. Renoir jetoi aty deri në ndarjen e jo nga jeta në vitin 1919, pasi u prek nga pneumonia në moshën 78-vjeçare.