Incident i rëndë në aksin Prishtinë–Ferizaj: Tre të plagosur pas përdorimit të armëve dhe mjeteve të ftohta

Një ngjarje e dhunshme ka ndodhur gjatë orëve të para të mëngjesit në rrugën nacionale Prishtinë–Ferizaj, ku si pasojë e të shtënave me armë zjarri dhe përdorimit të mjeteve të tjera, tre persona kanë pësuar lëndime trupore. Lajmin për incidentin e ka konfirmuar për “Lajmet e Reja” zëdhënësi i Policisë për Rajonin e Prishtinës, Enis Pllana, i cili bëri të ditur se të lënduarit janë nisur menjëherë drejt institucioneve shëndetësore për të marrë ndihmën e nevojshme mjekësore. “Sipas informacioneve të para nga terreni, në këtë ngjarje janë lënduar tre persona. Dy prej tyre dyshohet se mbajnë plagë nga arma e zjarrit, kurse një tjetër ka pësuar lëndime nga një mjet i mprehtë. Të gjithë janë dërguar për tretman mjekësor”, deklaroi Pllana. Trupa policorë kanë mbërritur pa vonesë në vendin e ngjarjes, ndërkohë që njësitet e specializuara hetimore, në bashkëpunim të ngushtë me Prokurorin e Shtetit, po vijojnë veprimet operative për zbardhjen e plotë të rrethanave të këtij rasti.