Gjendje kritike shëndetësore: Ish-sulmuesi i njohur i Juventusit dhe Italisë përfundon në kujdes intensiv

Dani Osvaldo, ish-sulmuesi i njohur i skuadrave si Roma, Juventus, Southampton dhe i kombëtares italiane, po përballet me një situatë të rëndë shëndetësore dhe është vendosur nën mbikëqyrjen e rreptë të mjekëve në repartin e kujdesit intensiv. Sipas raporteve nga shtypi argjentinas dhe ai italian të publikuara të premten, 40-vjeçari ka shfaqur komplikacione serioze në rrugët e frymëmarrjes, çka ka kërkuar ndërhyrje kirurgjikale urgjente në një spital të kryeqytetit argjentinas, Buenos Aires.