Lidhjet kulturore mbarëkombëtare në fokus, baleti “Neighbours – From Motherland” pushton skenën e Prishtinës

Ministrja e Kulturës dhe Turizmit, Saranda Bogujevci, ka bërë të ditur se Teatri Kombëtar i Kosovës ka mirëpritur mbrëmjen e kaluar shfaqjen e njohur të baletit “Neighbours – From Motherland”. Pas premierës së suksesshme të mbajtur në kryeqytetin shqiptar, ky prodhim artistik u prezantua para artdashësve kryeqytetas si rezultat i një bashkëpunimi të ngushtë ndërmjet Baletit Kombëtar të Kosovës dhe Teatrit Kombëtar të Operës dhe Baletit të Shqipërisë. Gjatë këtij evenimenti, Bogujevci ka shprehur vlerësimin e saj të lartë për angazhimin dhe përkushtimin e balerinëve, si dhe të gjitha ekipeve mbështetëse që mundësuan këtë vënie në skenë. Sipas saj, nismat e përbashkëta kulturore me Shqipërinë gëzojnë një rëndësi parësore dhe shërbejnë si dëshmi e qartë e kapaciteteve për të sjellë në jetë projekte artistike madhore. “Përgëzime artistëve dhe gjithë ekipeve që punuan për realizimin e kësaj shfaqjeje”, ka shkruar ndër të tjera ajo.