Ferizaj bëhet gati për Evropë: Greme pritet të ndizet nga hendbolli

Fshati Greme i Ferizajt do të jetë pikënisja e një aventure evropiane, pasi këtë fundjavë do të presë ndeshjen e parë të vlefshme për fazën e 1/32 së finales në Kupën Evropiane në hendboll për femra. Përfaqësuesja ferizajase do të masë forcat në këtë përballje ndërkombëtare kundër një ekipi nga Ishujt Faroe, duke synuar një paraqitje sa më dinjitoze para publikut vendës. Takimi i parë do të zhvillohet nesër, me fillim nga ora 20:00, në palestrën sportive të Gremes, e cila është bërë gati për të mirëpritur këtë ngjarje të rëndësishme sportive. Falë një marrëveshjeje të arritur mes dy paleve pjesëmarrëse, është vendosur që e gjithë seria e këtij ballafaqimi të zhvillohet ekskluzivisht në tokën e Ferizajt, konkretisht në palestrën e Gremes. Pas duelit të së premtes, sfida e kthimit mes dy skuadrave është planifikuar të luhet të dielën, duke nisur nga ora 17:00, për të përcaktuar edhe fatin e kualifikimit.