Skandal në Gjermani: Ish-shefi i inteligjencës BND dyshohet për tradhti të lartë dhe spiunazh në favor të Kinës

Një skandal i madh ka tronditur strukturat e sigurisë në Gjermani, pasi ish-drejtuesi i Shërbimit Federal të Inteligjencës (BND), August Hanning, po përballet me akuza serioze për tradhti dhe deponim të të dhënave të klasifikuara te qeveritë e huaja. Sipas hetimeve të deritanishme, dyshimet rreth ish-zyrtarit të lartë shtrihen më gjerë se çështja e Azerbajxhanit, duke përfshirë gjithashtu pretendime se ai ka rrjedhur informacione sekrete shtetërore edhe në drejtim të Kinës. August Hanning, i cili ka udhëhequr agjencinë gjermane të inteligjencës gjatë periudhës 1998–2005, ndodhet në qendër të një procesi hetimor që përfshin dyshime për spiunazh, zbulim të sekreteve zyrtare dhe tentativë për tradhti të lartë.