Tragjedia në Athinë: Mes viktimave të shpërthimit janë edhe dy vëlla e motër me origjinë shqiptare

Sistemet e emergjencës dhe autoritetet greke kanë dalë me detaje të reja lidhur me ngjarjen e rëndë të ndodhur një ditë më parë në lagjen Plakes të Athinës, ku një shpërthim i fuqishëm solli shembjen e plotë të një godine. Në mesin e viktimave që kanë humbur jetën nga ky incident tragjik janë identifikuar edhe shtetas shqiptaro-amerikanë, të cilët kishin udhëtuar drejt kryeqytetit grek për qëllime turistike. Mes tyre ndodhen edhe dy vëlla e motër, të identifikuar si Florida Hoxha, ndërsa në listën e viktimave bën pjesë gjithashtu edhe Ian Alexander Kirkpatrick. Deri në këto momente, ekipet e shpëtimit kanë arritur të nxjerrin nga gërmadhat dy trupa të pajetë. Sipas vlerësimeve të deritanishme nga autoritetet kompetente, shanset për të gjetur të mbijetuar të tjerë nën rrënoja janë praktikisht zero.