Goditet rrjeti i vjedhjeve në Shkup: Policia kap 32-vjeçarin dhe gjen dymbëdhjetë biçikleta

Forcat e rendit në kryeqytet kanë ndaluar një person, i cili dyshohet se është autori i një sërë vjedhjesh të rënda të mjeteve me dy rrota në zona të ndryshme të qytetit. Operacioni për kapjen e tij u zhvillua në rajonin e Gazi Babës nga efektivët e policisë të stacioneve të Aerodromit dhe Draçevës, nën ombrellën e SHKB-së së Shkupit. Sipas hetimeve paraprake, i dyshuari 32-vjeçar me inicialet Gj.P. nga Shkupi, dyshohet se ka vënë në shënjestër pronarët e biçikletave në komunat Aerodrom, Qendër dhe Kisella Vodë, duke kryer disa vepra penale. Gjatë kontrollit, autoritetet kanë konfiskuar gjithsej 12 biçikleta të gjetura në disa adresa të ndryshme, ndërsa një pjesë e tyre tashmë u janë dorëzuar pronarëve të ligjshëm. Nga Ministria e Punëve të Brendshme bëjnë me dije se sapo të mblidhen të gjitha provat dhe të zbardhen plotësisht rrethanat, ndaj të dyshuarit do të ngrihet kallëzimi përkatës penal nga strukturat kompetente policore.