OSBE për zgjedhjen e Shiroka-Pulës në krye të shtetit: Kosova dëshmon kulturë politike dhe vazhdon traditën e udhëheqjes nga gratë

Përfaqësuesi i lartë i OSBE-së, Gerard McGurk, ka përshëndetur vendimin e Kuvendit të Kosovës për zgjedhjen e Justina Shiroka-Pulës në postin e e lartë të presidentes, një zhvillim ky që i jep fund fazës së konstituimit të institucioneve të reja të vendit. Sipas diplomatit ndërkombëtar, me këtë votim Kosova dëshmon se e çmon dhe e mban gjallë një praktikë tejet domethënëse, duke i besuar sërish një gruaje detyrën më të lartë shtetërore. “Ky shembull tani duhet të shtrihet në çdo fushë tjetër të jetës publike. Gratë kanë nevojë për më shumë hapësirë në vendimmarrje dhe për mbrojtje më të fuqishme kundër dhunës me bazë gjinore dhe dhunës në familje. Presidentja Shiroka-Pula do të gjejë një partner të përkushtuar tek OSBE Kosovë në përpjekjet e saj për të çuar përpara këto prioritete”, deklaroi ndër të tjera McGurk. Kujtojmë se Justina Shiroka-Pula fitoi besimin e deputetëve gjatë seancës së mbrëmshme, ku u votua në raundin e parë dhe arriti të sigurojë gjithsej 81 vota nga ana e Kuvendit.