Krenari për vendlindjen: Rita Ora i gëzohet zgjedhjes së presidente së re të Kosovës

Ylli i muzikës me famë botërore, Rita Ora, ka tërhequr vëmendjen e ndjekësve të saj në rrjetet sociale, duke ndarë një nga momentet më të rëndësishme politike për Kosovën. Përmes një postimi në llogarinë e saj zyrtare në Instagram, saktësisht në InstaStory, këngëtarja e njohur ka ripostuar pamjet ku shfaqet ceremonia e betimit të Justina Shiroka-Pulës në postin e Presidentes së Republikës së Kosovës. Në videon e shpërndarë nga artistja, e cila shoqërohej edhe me mbishkrimin përmbledhës “Betohet presidentja e re e Kosovës, Justina Shiroka-Pula”, ajo ka përcjellë urimet e saj, duke i kushtuar rëndësi të veçantë faktit se drejtimi i shtetit i besohet një gruaje.