Kurti pas inaugurimit të shefes së shtetit: Na pret punë intensive, zgjedhja e saj gëzim i madh për vendin

Kryeministri i vendit, Albin Kurti, ka dhënë deklaratën e tij të parë pas përfundimit të ceremonisë solemne të betimit dhe inaugurimit të Presidentes së re të Republikës, Justina Shiroka-Pula. Kreu i ekzekutivit ka theksuar se tashmë vendi hyn në një fazë angazhimi intensiv me sfida dhe iniciativa të shumta përpara, ndërsa vlerësimin e tij për kreun e ri të shtetit e ka cilësuar si momentin më pozitiv për qytetarët. "Tash kena shumë punë përpara, stabilitet institucional me projekte të panumërta edhe aso që kanë nisur më herët edhe aso që i fillojmë tani", ka deklaruar Kurti. Më tej, ai ka shtuar se ngritja e Justina Shiroka-Pulës në krye të shtetit përfaqëson zhvillimin më pozitiv të periudhës aktuale: "Kemi Presidente të re të Republikës dhe ky është lajmi më i gëzuar jo vetëm i muajit tetor".