Thirrje urgjente nga Daut Haradinaj: Të mblidhemi në shesh për votimin e Ligjit për Specialen

Ish-deputeti i Kuvendit të Kosovës, Daut Haradinaj, u ka bërë thirrje qytetarëve që t'i bashkohen protestës në shesh, e cila kërkon miratimin urgjent të Ligjit për Gjykatën Speciale. Duke theksuar se koha në dispozicion është tejet e kufizuar, ai e ka vlerësuar si vendimtare kalimin e këtij projektligji në orët e mbrëmjes. Nëpërmjet një deklarate të publikuar në rrjetin social Facebook, Haradinaj u shpreh: “Ju ftoj të gjithëve në shesh që të bashkoheni me thirrjen e vetme për të gjithë deputetët që ta votojnë Ligjin për Specialen në lexim të dytë dhe në rast se shkohet në zgjedhje për dinjitetin e atyre që kanë luftuar dhe për nderin dhe respektin e luftës tanë dhe për nderin e bashkëluftëtarëve në Hagë ta kryejmë këtë detyrë. Nuk është vonë, i kemi edhe katër orë. Mund ta zgjedhim bashkërisht. Është çështje krejt procedurale. T’I kthejmë bashkëluftëtarët tanë në Kosovë”.