Sfida ndaj San Marinos, Shqipëria kërkon fitore dhe spektakël në “Air Albania”

Kombëtarja shqiptare e futbollit zbret mbrëmjen e sotme në fushën e stadiumit “Air Albania” për t'u ballafaquar me San Marion, në një takim ku kuqezinjtë e drejtuar nga tekniku Rolando Maran synojnë jo vetëm tri pikët, por edhe një paraqitje bindëse. Përtej fitores, skuadra duhet të synojë një rezultat sa më të thellë për të përmirësuar bilancin e golavarazhit. Duke marrë parasysh ecurinë dhe rezultatet e deritanishme në grup, sfidat e ardhshme kundër Finlandës dhe Bjellorusisë pritet të jenë përcaktuese për fatet e kuqezinjve. Pikërisht për këtë arsye, ndeshja e sotme ndaj kundërshtarit modest të grupit shikohet si mundësia ideale për të rregulluar statistikat dhe për të rritur moralin e grupit. Në krahasim me paraqitjen e fundit përballë Finlandës, trajneri ka vendosur të bëjë vetëm dy ndryshime në formacionin titullar. Ndryshimi i parë ka qenë i detyruar në portë, ku Dajsinani merr vendin e titullarit pas pezullimit të Berishës dhe dëmtimit të Sherrit, ndërsa në repartin e mesfushës, Shehu merr vendin e Ramadanit nga minuta e parë. Njëkohësisht, stafi teknik po vijon me eksperimentimin taktik të dyshes Mitaj-Pilo në krahun e majtë të mbrojtjes, një lëvizje kjo që lë të kuptohet se ky opsion mund të shfrytëzohet rregullisht edhe në sfidat e ardhshme të Kombëtares. Formacionet zyrtare: SHQIPËRIA: Dajsinani, Mitaj, Ismajli, Gjimshiti, Hysaj, Pilo, Shehu, Asllani, Hoxha, Muçi, Manaj. Trajner: Rolando Maran SAN MARINO: Kolombo, Xhiokondi, Rosi, Fabri, Çevoli, L. Kapikioni, Zanoni, Meloni, Xhakopeti, Saliçioni, Della Balda. Trajner: Roberto Çevoli