Gëzim dhe urime në dasmën e Kushtrimit dhe Aurorës, i pranishëm edhe Ramush Haradinaj

Deputeti i Aleancës për Ardhmërinë e Kosovës, Ramush Haradinaj, u ka dhënë urimet e tij më të ngrohta çiftit të ri, Kushtrimit dhe Aurorës, me rastin e kurorëzimit të tyre në martesë. Në këtë gëzim familjar, Haradinaj ishte i shoqëruar nga bashkëshortja e tij, Anita. Të pranishëm në atmosferën festive ishin gjithashtu personalitete dhe miq të shumtë, të ardhur si nga vendi ashtu edhe nga diaspora. "Një kapitull i bukur po fillon për Kushtrimin dhe Aurorën, duke i hapur rrugë shumë momenteve e mundësive që do t’i përjetojnë së bashku", ka shkruar ligjvënësi Haradinaj në mesazhin e tij. Gjatë këtij evenimenti, ai ka shprehur urimet e sinqerta për familjet Kelani dhe Rrusta, duke i uruar çiftit fat, mbarësi dhe jetë të lumtur në rrugëtimin e tyre të përbashkët. "Sot, në gazmendin e tyre, bashkë me Anitën patëm nderin të jemi mes shumë miqve nga mbarë vendi dhe diaspora", ka shtuar tutje ai.