Asllani pas barazimit me Austrinë: Mungoi vetëm fitorja, por jam krenar për angazhimin e skuadrës

Përfaqësuesja e Kosovës u mjaftua me një barazim 1-1 përballë Austrisë në stadiumin “Fadil Vokrri”, në një përballje ku Dardanët shfaqën lojë të mirë dhe krijuan raste shënimi, por në fund u dashurua të pajtoheshin vetëm me një pikë. Në prononcimin e tij pas përfundimit të takimit, sulmuesi Fisnik Asllani theksoj se grupi dha gjithçka në fushë dhe se ndien krenari për paraqitjen e bashkëlojtarëve të tij, pavarësisht se rezultati përfundimtar nuk ishte ai i dëshiruari. “Fatkeqësisht nuk fituam. Normalisht, ndjenja do të ishte ndryshe po të fitonim, por duhet me pranu, ky është futbolli”, u shpreh Asllani. Lojtari i repartit ofensiv veçoi gjithashtu angazhimin maksimal dhe dinamikën që ekipi ruajti gjatë të gjithë sfidës, megjithse kushtet atmosferike dhe gjendja e terrenit nuk ishin në nivelin optimal. “Energjia ka qenë shumë e lartë. E kemi ditë që fusha nuk ka qenë më e mira, por energjinë e sjellim në fushë. Krejt ekipi e ka bërë, prandaj jam krenar me secilin”, shtoi ai. Duke analizuar aksionin që solli golin e Kosovës, Asllani vlerësoi bashkëpunimin e shkëlqyer mes lojtarëve, duke konfirmuar njëkohësisht edhe formën e tij të mirë fizike. “Kemi luajtur shumë mirë. Mërgimi, Leoni, tani te Edoni, i cili eci me top dhe ma ka qitë perfekt dhe më bëra që ta dërgoi topin në portë. Siç kam thënë edhe më herët, unë jam në formë të mirë fizike”, përfundoi sulmuesi. Në mbyllje të fjalës së tij, Asllani bëri thirrje që skuadra të ecë përpara me kujdes dhe të përqendrohet plotësisht te sfidat e ardhshme në kalendar. “Besoj që të shkojmë hap pas hapi. Lojën e parë me Izraelin, aty të fitojmë. E tani të shohim qysh o situata edhe në grup. Kemi me dhënë maksimumin, çfarë bëjnë të tjerët nuk mundemi të ndikojmë”.