Iniciativa “Jo në emrin tim” paralajmëron protestë gjatë gjithë natës para Kuvendit dhe tubim masiv nesër në mëngjes

Iniciativa qytetare “Jo në emrin tim” ka bërë të ditur se aktivistët dhe qytetarët do të kalojnë natën duke protestuar para ndërtesës së Kuvendit, ndërkohë që për ditën e nesërme është thirrur një protestë gjithëpopullore duke filluar nga ora 08:00. Përmes një njoftimi zyrtar, kjo nismë ka theksuar se qëndresa do të jetë e pandërprerë dhe pa ngjyrime politike, e bashkuar vetëm rreth një thirrjeje të vetme drejtuar institucioneve: miratimin e ligjit në fjalë. Organizatorët u kanë bërë thirrje të gjithë qytetarëve pa dallim që t'i bashkohen tubimit në sheshin “Skënderbeu” duke filluar nga orët e para të mëngjesit të nesërm, në orën 08:00. Në thirrjen e tyre, përfaqësuesit e nismës kanë vënë në pah rëndësinë historike të Ushtrisë Çlirimtare të Kosovës, duke e cilësuar atë si shtyllë të identitetit, historisë dhe lirisë së vendit, ndërsa kanë përsëritur moton e tyre kryesore “JO NË EMRIN TIM”.