Thirrje nga protesta: Endrit Thaçi kërkon bashkimin e partive për ndryshimin e Ligjit për Gjykatën Speciale

Endrit Thaçi, djali i ish-presidentit Hashim Thaçi, u ka bërë thirrje forcave politike në vend që të lënë anash dallimet dhe të bashkohen për të miratuar Projektligjin që parasheh ndryshimin dhe plotësimin e Ligjit për Dhomat e Specializuara. Këto komente ai i bëri gjatë pjesëmarrjes në protestën e organizuar nën moton “Jo në emrin tim”, ku me këtë rast shfrytëzoi mundësinë për të shprehur mirënjohjen e tij të thellë ndaj qytetarëve për solidaritetin dhe mbështetjen e vazhdueshme që po i japin. “Ju ftoj të gjitha partitë që të bëhen bashkë edhe ta kalojnë ligjin për Gjykatën Speciale. I falënderoj të gjithë popullin për mbështetje”, ka deklaruar ai gjatë prononcimit të tij për TV Dukagjini.