Forma e shkëlqyer e Lejson Zeqirit: Numrat impresionues të yllit të Bashkimit në startin e edicionit

Basketbollisti Lejson Zeqiri ka konfirmuar formën e tij fantastike, duke u shndërruar në boshtin kryesor të sukseseve të skuadrës së Bashkimit nga Prizreni gjatë tri javëve të para të elitës së basketbollit kosovar. Prizrenasit regjistruan një tjetër paraqitje bindëse në triumfin 84:76 ndaj kampionit në fuqi, Trepçës nga Mitrovica, sfidë ku Zeqiri la sërish gjurmë të pashlyeshme me paraqitjen e tij në parket. Falë këtij starti të furishëm, Bashkimi mban rekordin e plote me tri fitore nga po aq ndeshje të zhvilluara, duke u instaluar në krye të tabelës së klasifikimit me 6 pikë të grumbulluara. “Këto janë statistikat e Lejson Zeqirit, lojtarit më të mirë të muajit shtator në ProCredit Superligë. 17.5 pikë dhe 6 kërcime për ndeshje dhe index 18. Zeqiri dha kontribut të rëndësishëm në dy fitoret e Bashkimit në dy ndeshjet e kampionatit dhe në triumfin në ProCredit Superkupën e Kosovës”, thuhet në njoftimin e Federatës së Basketbollit të Kosovës (FBK).