Zinedine Zidane flet hapur për Cristiano Ronaldon dhe vlerëson lart kontributin e tij

Zinedine Zidane është rikthyer fuqishëm në botën e trajningut, duke marrë drejtimin e Kombëtares së Francës gjatë verës së kaluar. Pas një pauze pesëvjeçare, ai pasoi Didier Deschamps në krye të "Gjelave", duke nisur një kapitull të ri në karrierën e tij prej tekniku. Në një prononcim të fundit, francezi është kthyer pas në kohë për të komentuar karrierën e ish-sulmuesit të tij te Real Madridi, Cristiano Ronaldo. Komentet e tij vijnë në një moment kur portugezi ka qenë në qendër të vëmendjes mediatike për shkak të zhvillimeve në kampin e Kombëtares së Portugalisë. Duke treguar admirim për yllin portugez, Zidane nuk i ka kursyer fjalët e ngrohta për ndikimin që ai ka pasur në sukseset e përbashkëta gjatë periudhës së tyre në Madrid. "Duhet ta përshëndesim karrierën e tij të shkëlqyer. Pata mundësinë ta kisha me vete. Më ndihmoi të fitoj trofe të jashtëzakonshëm. Kam shumë respekt për të gjithë lojtarët dhe veçanërisht për Cristianon", u shpreh Zidane.