Humbja ndaj Finlandës, ish-kombëtari Bicaj kritikues me zgjedhjet taktike të Maranit

Pas disfatës me rezultatin 1:2 që Kombëtare shqiptare pësoi në udhëtimin e vështirë kundër Finlandës, ka reaguar ish-mbrojtësi kuqezi, tashmë trajner, Ditmar Bicaj. Në një prononcim të tij pas ndeshjes, Bicaj ka ngritur shqetësime lidhur me qasjen taktike të përzgjedhur nga tekniku për këtë sfidë, duke i dhënë një këshillë të hapur stafit teknik. “Nuk jemi në rangun e Gjermanisë apo Francës për të bërë ndërtimin nga poshtë të lojës dhe manovrave ofensive”, u shpreh ai, duke sugjeruar një lojë më pragmatiste për profilin e skuadrës sonë. Veç aspektit taktik, ish-lojtari i njohur nuk la pa përmendur as ndarjen e drejtësisë në fushë, duke theksuar se performanca e gjyqtarit la shumë për të dëshiruar gjatë gjithë takimit.