Ironi e fortë në protestë ndaj kryeministrit: Gjatë javës na vjedh me mjeshtëri, të premten na dëgjon me “besnikëri”

Pjesëmarrësit në protestë kanë zgjedhur një formë satirike për të kundërshtuar qeverisjen, duke iu drejtuar kryeministrit Edi Rama përmes mesazheve therëse në pankarta, në ditën e 125-të të tubimit të tyre. Në fokus të ironisë ka qenë nisma e njohur si “Prania Besnike”. Qytetarët kanë shprehur hapur pakënaqësinë e tyre, duke akuzuar kabinetin qeveritar se ndërkohë që gjatë gjithë javës zhvat qytetarët, të premteve shfaqet navë se gjoja u kushton vëmendje halleve të tyre. “Rama të premten na dëgjon hallet me “besnikëri”, gjithë javën trupa e tij na vjedh me plot mjeshtëri”, shkruhej qartë në njërën prej pankartave të ngritura lart. Të njëjtën linjë kritike kanë ndjekur edhe mesazhet e tjera të shfaqura gjatë tubimit, ku shënjestër ka qenë gjendja e rëndë e sistemit shëndetësor në vend. “Shëndetësia “falas”: E paguajmë me taksa, e blejmë me rryshfet”, thuhej në një tjetër pankartë që pasqyronte zhgënjimin e qytetarëve me shërbimet publike.