Ndryshimi i Ligjit për Specialen shkon në Kuvend, reagon kryetari i grupit parlamentar të PDK-së

Shefi i grupit parlamentar të Partisë Demokratike të Kosovës, Arian Tahiri, ka mirëpritur vendimin e ekzekutivit për të përcjellë në Kuvend nismën për ndryshimin e Ligjit për Dhomat e Specializuara. Përmes një reagimi publik, ai ka theksuar se Ushtria Çlirimtare e Kosovës duhet të shërbejë si një faktor unifikues për të gjithë. "Në çështjet që prekin themelet e lirisë sonë, duhet të jemi bashkë", ka shkruar ndër të tjera ai. Më poshtë gjendet postimi i plotë i Arian Tahirit: Siç e kam thënë përherë, UÇK-ja duhet të na bashkojë! Prandaj, çdo çështje që lidhet me të, duhet të trajtohet me përgjegjësi, sinqeritet dhe korrektësi maksimale. Pa kalkulime politike. Pa interesa të ngushta. Pa përçarje. Në çështjet që prekin themelet e lirisë sonë, duhet të jemi bashkë.