Alarm i rremë në kryeqytet: Policia konfirmon se nuk ka mjete shpërthyese

Pas një angazhimi intensiv dhe kontrolleve të detajuara nga njësitet e specializuara, Policia e Kosovës ka dhënë konfirmimin zyrtar se në Prishtinë nuk është gjetur asnjë mjet shpërthyes. Lajmin për media e ka konfirmuar zëdhënësi i Policisë për rajonin e Prishtinës, Enis Pllana, i cili bëri të ditur se situata është trajtuar me seriozitetin më të madh nga autoritetet. “Informata është trajtuar me kujdes nga ana e Policisë. Pas kontrolleve të kryera nga njësitet kompetente, është konfirmuar se nuk ka mjet shpërthyes. Hetuesit policorë, në koordinim me prokurorin e shtetit, kanë filluar punën për zbardhjen e të gjitha rrethanave që ndërlidhen me këtë rast”, deklaroi Pllana.