Formacion rrënjësisht i ndryshuar nga Foda kundër Izraelit, Asllani dhe Rrahmani udhëheqin repartin ofensiv

Përfaqësuesja e Kosovës do të zhvillojë sfidën e radhës në kuadër të Ligës së Kombeve, ku do të përballet me Izraelin në qytetin hungarez, Dobrecen. Për këtë duel, trajner i gjerman, Franco Foda, ka bërë gjithsej shtatë ndryshime në formacionin bazë krahasuar me ndeshjen e fundit. Pjesa e sulmit këtë herë i është besuar dyshes Albion Rrahmani dhe Fisnik Asllani, pasi Vedat Muriqi është dëmtuar dhe nuk do të jetë i gatshëm për këtë sfidë. Freski ka edhe në departamentin e mesfushës, ku Dion Kaçuri regjistron paraqitjen e tij të parë si titullar, duke u rreshtuar krah Muharrem Jasharit, Valmir Matoshit dhe Ermal Krasniqit. Lëvizje ka pasur gjithashtu në prapavijë, me Dion Gallapenin që do ta nisë nga stoli i rezervave, ndërsa vendin e tij në fushë e ka marrë Milot Avdyli. Ndërkohë, mbrojtja e portës i është besuar Amir Saipit, i cili e nis takimin nga minuta e parë.