Skandali Negreira: UEFA nis hetimet e thella, Reali i kërkon heqjen e trofeve dhe përjashtimin e Barcelonës

Institucioni qeverisës i futbollit evropian, UEFA, ka rihapur zyrtarisht hetimet ndaj klubit të Barcelonës në lidhje me të ashtuquajturin "Rasti Negreira". Ky zhvillim vjen pasi rivalët e përjetshëm, Real Madridi, kanë dorëzuar një dosje voluminoze prej 50 mijë faqesh, e cila përmban mijëra dokumente, prova dhe dëshmi të mbledhura me kujdes. Përmes kësaj nisme ligjore, drejtuesit e Real Madridit kërkojnë që katalanasve t'u anulohen të gjithë titujt e fituar gjatë periudhës 2001-2018. Gjithashtu, nëse UEFA gjen prova përfundimtare për të vërtetuar shkeljet, gjiganti katalanas rrezikon një dënim drastik me përjashtim të menjëhershëm nga të gjitha garat evropiane. Klubi Blaugrana ndodhet nën akuzë të rëndë për pagesat e dyshimta ndaj Jose Maria Enriquez Negreira, dikur një nga figura kyçe të gjykimit spanjoll. Vetë UEFA ka konfirmuar zyrtarisht pranimin e dosjes së bujshme të dorëzuar nga madrilenët. Me rihapjen e kësaj çështjeje të bujshme, sytë e opinionit sportiv janë drejtuar nga vendimet që do të marrin organet disiplinore, sidomos duke pasur parasysh se Barcelona ka pranuar pagesat prej 8,4 milionë eurosh në drejtim të Negreiras.