Sekuestrimi i mbi 1 ton droge në Pejë: Prokuroria nxjerr para drejtësisë 9 të pandehur (Emrat)

Prokuroria Themelore në Pejë ka zyrtarizuar ngritjen e aktakuzës ndaj nëntë personave, të cilët dyshohen se janë përfshirë në kultivimin dhe shpërndarjen e lëndëve narkotike në dy lokalitete të ndryshme të këtij rajoni, respektivisht në fshatrat Kliqinë dhe Sverkë. Sipas dokumentit të siguruar nga redaksia jonë, kjo masë ligjore prek: Eldi Mykaj, Erion Etemaj, Engjellush Ibrahimi, Kloadian Qokli, Shkëlqim Xhija, Mirjon Qokli, Istref Bajrami, Liridon Haziraj dhe Enver Hasani. Të pandehurit, gjatë harkut kohor të vitit 2024, dyshohet se kanë funksionuar si një strukturë e organizuar, duke bashkëpunuar ngushtë në veprimtarinë e paligjshme të kultivimit të bimëve narkotike të llojit kanabis sativa. Në bazë të hetimeve të prokurorisë, në dy parcelat e përfshira ishin mbjellë gjithsej 2,850 bimë narkotike. Nga ky operacion, autoritetet arritën të sigurojnë dhe sekuestrojnë një sasi totale droge që kalon peshën e 1,035 kilogramëve e 712 gramëve. Ky operacion i gjerë policor u finalizua më 27 shtator 2024, kur Policia e Kosovës ndërhyri në terren duke zbatuar urdhërkontrollet e lëshuara nga organet e drejtësisë. Të gjithë të dyshuarit e përfshirë në këtë rast përballen me akuza që lidhen me kultivimin, blerjen, posedimin, shpërndarjen dhe shitjen e paautorizuar të narkotikëve, kurse ndaj disa prej tyre rëndojnë edhe vepra shtesë penale. Dosja e prokurorisë zbulon gjithashtu se njëri nga të pandehurit ishte joshur me premtimin e një shpërblimi prej 15 mijë eurosh në këmbim të angazhimit të tij në këtë aktivitet kriminal. Gjatë bastisjeve dhe zhvillimit të hetimeve, autoritetet zbuluan edhe shkelje të tjera ligjore: njërit prej të pandehurve iu sekuestruan 1,540 euro në kartëmonedha të falsifikuara, ndërsa te një tjetër u gjet dhe u konfiskua një armë zjarri e tipit AK-47 së bashku me municionin përkatës. Ky aksion i suksesshëm u drejtua nga prokurori Ersan Qavolli, ndërkohë që hetimet për të zbardhur plotësisht këtë rrjet të trafikut të narkotikëve mbeten të hapura. Portalit ynë do të vazhdojë t'ju mbajë të informuar në vazhdimësi për çdo zhvillim të ri rreth këtij gjykimi.