Protestë në Prishtinë: Ramush Haradinaj bën thirrje masive kundër vendimit për ish-krerët e UÇK-së

Kryetari i Aleancës për Ardhmërinë e Kosovës, njëherësh ish-kryeministër i vendit, Ramush Haradinaj, i ka drejtuar një thirrje publike qytetarëve për t'iu bashkuar tubimit protestues që do të zhvillohet nesër në kryeqytet, si shenjë pakënaqësie ndaj aktgjykimit ndaj ish-udhëheqësve të Ushtrisë Çlirimtare të Kosovës. Sipas Haradinaj, vendimi i gjykatës për dënimin e ish-krerëve të UÇK-së përbën një vendim të padrejtë dhe plotësisht të papranueshëm për opinionin publik dhe vlerat e luftës. “Vendimi dënues ndaj udhëheqësve të UÇK-së është i papranueshëm dhe i padrejtë”, ka theksuar ai në mesazhin e tij drejtuar publikut. Tubimi protestues është paraparë të mbahet nesër, më 1 tetor, duke filluar nga ora 16:00, në sheshin “Skënderbeu” në Prishtinë, ku qytetarët ftohen të bëhen pjesë e tij. “Duke mbrojtur luftën e drejtë çlirimtare, mbrojmë atdheun”, ka deklaruar Haradinaj, duke e mbyllur thirrjen e tij me fjalët: “Jo në emrin tim, jo në emër të popullit të Kosovës”.