Rigjykimi për vrasjen e shtetases argjentinase: Endrit Nika dal sërish para Gjykatës së Prishtinës

Gjykata Themelore në Prishtinë do të mbajë sot, më 9 nëntor, seancën e radhës në kuadër të rigjykimit të Endrit Nikës. Ai po ballafaqohet sërish me drejtësinë nën akuzat për vrasjen e rëndë të shtetases nga Argjentina, Maria Clara Urdangaray, ngjarje kjo e shënuar në gusht të vitit 2023, kur viktima humbi jetën tragjikisht pas rënies nga kati i gjashtë i një hoteli në Fushë-Kosovë. Procesi gjyqësor është parashikuar të nisë zyrtarisht në orën 09:30, ku palët do të paraqesin zhvillimet e reja të kësaj çështjeje penale. Kujtojmë se në shkallën e parë Nika ishte shpallur fajtor dhe ishte dënuar me 18 vjet burgim. Megjithatë, vendimi u rrëzua nga Gjykata e Apelit, e cila konstatoi shkelje procedurale gjatë shqyrtimit fillestar dhe urdhëroi kthimin e lëndës në pikën zero për rigjykim.