Start i furishëm në La Liga: Atletico Madrid avantazhon ndaj Barcelonës

Atletico Madrid ka arritur të zhbllokojë rezultatin duke kaluar në epërsi 1:0 kundër Barcelonës, në takimin e vlefshëm për javën e 12-të të elitës së futbollit spanjoll. Sfida ka nisur me ritëm të lartë dhe me një lojë të hapur nga të dyja kampet, të cilat që në minutat e para kanë shfaqur qasje sulmuese dhe kanë krijuar disa mundësi shënimi. Momenti vendimitar i ndeshjes erdhi në minutën e 10-të, kur vendasit finalizuan me sukses një aksion model, të zhvilluar përmes një kombinimi të shpejtë prej dy pasimesh. Pas një asistimi perfekt nga Julian Alvarez, në skenë dolli Giuliano Simeone, i cili me gjakftohtësi nga afërsia mposhti portierin kundërshtar, duke e dërguar topin në rrjetë dhe duke ndezur festën në stadium me golin e epërsisë.