Armstead, MVP i javës në Superligën e Kosovës

Xhiroja e radhës në ProCredit Superligë ka sjellë paraqitje të dalluara individuale, me basketbollistë që kanë kontribuar në pikë, kërcime dhe asistime për skuadrat e tyre. Më i dalluari i kësaj xhiro ishte Malcolm Armstead i Sigal Prishtinës, i cili regjistroi 26 pikë, katër kërcime dhe tri asistime, duke përfunduar ndeshjen me indeksin 29. Me këtë paraqitje, Armstead është shpallur MVP i javës në ProCredit Superligë. Në Top 5 të javës është përfshirë edhe Trevor Moore i Pejës, i cili kishte 21 pikë, pesë kërcime dhe dy asistime, me indeksin 25. Bashkëlojtari i tij, Xavier Johnson, realizoi dyshifror të dyfishtë me 12 pikë dhe 13 kërcime, duke shtuar edhe një asistim për indeksin 21. Në mesin e pesë më të mirëve është edhe Arian Azemi i Bashkimit, me 11 pikë, katër kërcime dhe gjashtë asistime, duke regjistruar indeksin 20. Pesëshen e kompleton Jericole Hellems i Borës, i cili kishte 19 pikë e dhjetë kërcime, ndërsa shtoi edhe tri asistime, për indeksin 19. Malcolm Armstead (Sigal Prishtina) – 26 pikë, 4 kërcime, 3 asistime – Indeksi 29 Trevor Moore (Peja) – 21 pikë, 5 kërcime, 2 asistime – Indeksi 25 Xavier Johnson (Peja) – 12 pikë, 13 kërcime, 1 asistim – Indeksi 21 Arian Azemi (Bashkimi) – 11 pikë, 4 kërcime, 6 asistime – Indeksi 20 Jericole Hellems (Bora) – 19 pikë, 10 kërcime, 3 asistime – Indeksi 19 Malcolm Armstead (Sigal Prishtina) 26 pikë | 4 kërcime | 3 asistime | Indeksi 29