Formë e shkëlqyer për Ernest Muçin, sulmuesi shqiptar shkëlqen sërish në Turqi me gol dhe asistim

Trabzonspori ka regjistruar suksesin e pestë radhazi në elitën e futbollit turk, duke konfirmuar momentin e tij më të mirë në këtë edicion. Në takimin e vlefshëm për javën e 10-të, skuadra e Trabzonsporit triumfoi me rezultatin 2-0 ndaj Gaziantepit, ku figura qendrore e fushës ishte padyshim Ernest Muçi. Ekipi vendës arriti të zhbllokonte rezultatin në çastet e fundit të pjesës së parë. Pas një harkimi nga goditja e këndit dhe një devijimi me kokë nga Muçi, mbrojtësi Stefan Savic përfitoi për dërguar topin në rrjetë. Spektakli i sulmuesit të Kombëtares shqiptare vijoi në minutën e 61-të, kur ai realizoi një gol mbresëlënës me një goditje të fuqishme dhe të präcizuar me këmbën e djathtë nga distanca. Falë këtij paraqitjeje, Muçi ka arritur kuotën e 3 golave dhe 6 asisteve në këtë sezon të Superligës turke. Gjithashtu, talenti kuqezi u shpall zyrtarisht “Lojtari i Ndeshjes”, duke e fituar këtë çmim për të dytën sfidë radhazi. Pas kësaj fitoreje të rëndësishme, Trabzonspori ngjitet në kuotën e 22 pikëve, duke mbajtur vendin e tretë në tabelë, vetëm një pikë larg Amedsporit të vendit të dytë dhe tre pikë larg liderëve të Galatasaray-it.