Kriza e rezultateve sjell ndryshime në stol, Dinamo e Ferizajt ndahet nga trajneri Krasniqi

Klubi i futbollit Dinamo nga Ferizaj po përballet me një fazë negative në aspektin e rezultateve brenda garave të Ligës së Parë të Kosovës. Si pasojë e paraqitjeve jo të kënaqshme dhe humbjes së regjistruar një ditë më parë me shifrat 2:0 në udhëtim te Istogu, në kuadër të xhiros së 13-të të kampionatit, krerët e klubit kanë marrë vendimin për të shkarkuar nga detyra trajnerin Leotrim Krasniqi. Ky zhvillim është konfirmuar zyrtarisht nga vetë strukturat drejtuese të klubit përmes një njoftimi drejtuar opinionit publik. Në komunikatën e lëshuar thuhet: “FC Dinamo Ferizaj njofton se ka vendosur të ndërpresë bashkëpunimin me trajnerin e ekipit të parë, Leotrim Krasniqi. Klubi e falënderon trajnerin Krasniqi për angazhimin, punën dhe kontributin e dhënë gjatë kohës sa ishte pjesë e skuadrës sonë. I urojmë shëndet dhe shumë suksese në vazhdim të karrierës profesionale.” Vlen të theksohet se pas përmbylljes së javës së 13-të, skuadra e Dinamos së Ferizajt pozicionohet në vendin e shtatë të renditjes tabelare, duke arkëtuar gjithsej 20 pikë.