Lumbardh Salihu nis një kapitull të ri në Kroaci, bashkëjetesë me partneren sipërmarrëse

Fituesi i edicionit të dytë të “Big Brother VIP Kosova”, Lumbardhi, ka ndryshuar vendbanim duke u zhvendosur në Kroaci, ku ka nisur një jetë të re krahas partneres së tij. Sinjalet e para u dhanë pak ditë më parë, kur ai ndau me ndjekësit pamje nga qyteti i Splitit, të shoqëruara me mbishkrimin në gjuhën angleze: “Një vend i ri për ta quajtur shtëpi”. Në fakt, nuk bëhej fjalë thjesht për një udhëtim turistik. Mësohet se Lumbardhi ka vendosur të nisë bashkëjetesën me të dashurën e tij në Kroaci, konkretisht në pronat që ajo posedon në atë zonë. Partnerja e tij është një sipërmarrëse me origjinë nga Austria, e cila drejton disa biznese të suksesshme dhe zotëron pasuri të paluajtshme në Kroaci. Pas një kohe të karakterizuar nga lëvizje dhe udhëzime të shpeshta, Lumbardhi ka marrë një vendim të rëndësishëm në planin personal, duke e zhvendosur qendrën e jetës së tij të përditshme në qytetin bregdetar të Splitit, pranë njeriut të tij të zemrës.